Një shpërthim i fuqishëm në një biznes në Lushnjë i ka marrë jetën një personi dhe ka plagosur 8 të tjerë.
Mes të plagosurve është edhe deputeti i Partisë Socialiste, Bujar Çela.
Çela mësohet se i është nënshtruar ndërhyrjes kirurgjikale dhe ndodhet në gjendje të rëndë, në rrezik për jetën.
Mësohet se magazina në ndërtim është në pronësi të deputetit të PS, Bujar Çela.
Ndërsa viktimë e shpërthimit ka mbetur shtetasi Landi Verçani.
Po ashtu, bëhet e ditur se edhe të plagosurit e tjerë janë në gjendje të rëndë shëndetësore.
Mësohet se shpërthimi ka ndodhur teksa po kryeheshin punime për ngritjen e një kapanoni.
Dyshohet se punonjësit kanë prekur linjën e tensionit të lartë e për pasojë ka ndodhur dhe shpërthimi.
Njoftimi i Policisë:
Fier/Informacion paraprak
Rreth orës 16:05 në vendin e quajtur “Rrethrrotullimi i Plasmasit”, në një kapanon në ndërtim dyshohet se gjatë punës, një vinçier duke drejtuar një vinç, akisdentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm.
Si pasojë e shpërthimit ka humbur jetën shtetasi L. V., dhe janë plagosur tetë shtetas mes tyre dhe deputeti B. Ç., të cilët ndodhen në spital për ndihmë mjeksore.
Menjëherë nga Drejtoria Vendore e Policisë Fier dhe Komisariati i Policisë Lushnjë është ngritur një grup i posaçëm hetimor dhe nën drejtimin e Prokurorisë vijon puna për zbardhjen e rrethanave dhe shkakut të shpërthimit.
j.l./ dita
Zoti e shpetofte kete deputet Bujarin…qe u desh ky shperthim per ta ditur se paskesh nje deputet me kete emer ky parlament.
Para vitit 1990 nuk mund të bëje asnjë punim pa marë lejen tek ndërmarjet komunale për të hapur një gropë brënda vijës së verdhë. Tani dëmtohet kabëlli i tensionit të lartë brënda qytetit! Flasim për suksese dhe shajmë kohën e monizmit, por këto veprime tregojnë që Shqipëria nuk ka hequr dorë nga rrumpalla e saj!
Rri or ti i “para 1900” mos ja mbyt kot se atehere te tilla shperthime e viktima plot ne ate te famshmin Kombinati “Celiku PARTISE” i pagezuar si “Clirimi i dyte i Shqiperise” ndodhnin c’do muaj, por ku ti merrje vesht ti kur ato Revistat Televizive te ngopnin vetem me ‘Suksese e fitore drejt Socializmit’!