Serie A e futbollit në Itali është në javën e 35-të. Në mesditë, Verona humbi 0-1 me Torinon, ndërsa Fiorentina fitoi 2-0 me Udinesen. Në Monza, vendasit fituan 2-0 me kampionët e Serie A, Napolin. Duket se sigurimi i trofeut ka bërë që napoletanët të bëjnë dhurata në kampionat.
Në stadiumin “Brianteo”, Monza fitoi 2-0 me Napolin për javën e 35-të në Serie A. Pas titullit kampion në kampionat, të kaltrit filluan të bëjnë dhurata duke humbur një ndeshje jo shumë të luftuar. Ndeshja u hap nga Dany Mota në minutën e 18-të, teksa Petagna në të 53 minutë dyfishoi. Me 49 pikë, Monza shkon në vendin e nëntë.Në “Artemio Franchi”, Fiorentina fitoi 2-0 me Udinesen për javën e 35-të në Serie A. Djemtë e Italianos shënuan qysh në të shtatën minutë me Castrovilin, ndërsa në minutën e fundit të ndeshjes ishte Bonaventura që dyfishoi. Me 49 pikë Fiore shkon në vendin e tetë, teksa Udinese me 46 pikë mbetet në vendin e 12-të. Kujtojmë se të shtunën Atalanta u mund nga Salernitana 1-0, teksa kërkonte pikë për garën europiane dhe Champions, kurse Milan nga Spezia 2-0, ku kuqezinjtë prej javësh regjistrojnë formë të dobët dhe po rrezikojnë zonën Champions.
