Presidenti i Republikës, Bajram Begaj, përcolli sot një mesazh për 15-vjetorin e anëtarësimit të Shqipërisë në Organizatën e Traktatit të Atlantikut të Veriut.
Më 1 prill 2009, Shqipëria u bë anëtare me të drejta të plota në NATO.
Mesazhi i plotë i Presidentit të Republikës Bajram Begaj:
“Data e 1 prillit të vitit 2009 jetësoi vizionin Euroatlantik të shqiptarëve për të qenë pjesë e Aleancës politiko-ushtarake më të fuqishme të kohës sonë.
Ky anëtarësim realizoi aspiratën e kahershme të popullit shqiptar, duke e kthyer atë te përkatësia e vet perëndimore, e mishëruar që në filozofinë e heroit tonë kombëtar, Gjergj Kastriotit, si strateg i aleancës së parë politiko-ushtarake me Perëndimin. Anëtarësimi i Shqipërisë në NATO është një ndër datat më të rëndësishme të historisë sonë kombëtare. Mirënjohës ndaj popullit shqiptar, SHBA-ve dhe aleatëve, të cilët mundësuan realizimin e këtij anëtarësimi.
Shqipëria në këto 15 vite në NATO ka sjellë më shumë siguri për vendin, rajonin dhe hapësirën Euroatlantike. Krenar për efektivët e Forcave tona të Armatosura, si dhe vajzat e djemtë shqiptarë në misionet paqeruajtëse dhe operacionet e NATO-s, si: Afganistan, Irak, Bosnjë, Kosovë, Bullgari, Letoni dhe Deti Egje. Shqipëria do të vijojë të jetë e palëkundur që, së bashku me aleatët, të mbrojë lirinë e të kontribuojë për një botë në paqe.”
j.l./ dita
Siguria e rajonit erdhi duke mohuar te drejtat dhe padrejtesite qe na jane bere
Dhe si rrjedhoje nga nje ceshtje e pa zgjidhur shqiptare sot kemi nje ceshtje serbe
She kur nje dite te jemi pa aleate komshijte tane do perfundojne ate qe nisen me shen stefanin/ londren
Dhe kjo fal politckaneve tane pa merite qe gzojne pushtetin e pa merituar ku shqiptaret nuk arriten bashkimin kur paten mundsi