Shtyhet në nëntor fasha 800 kw/h, Enti Rregullator i Energjisë merr vendimin

Enti Rregullator i Energjisë Mori sot vendimin për shtyrjen e fashës 800 kë/h në nëntor.

Gjatë debatit mori pjesë deputetja Jorida Tabaku, e cila u shpreh se nuk binte dakord me marrjen dhe ndarjen e kompetencave të përgjegjësisë së ERE dhe qeverisë.

Ajo kërkoi që vendimi të revokohet dhe jo të shtyhet me një muaj, pasi prek drejtpërdrejt konsumatorët.

Më herët ERE kishte parashikuar që duke filluar nga 1 tetori, në kushtet ku një familje shpenzonte më shumë se fasha 800kw/h në muaj, një kilovat do të llogaritej me 42.85 lekë në vend të 11 lekë/ kilovat që është aktualisht.

Me fashën 800kW/ h në muaj, një kilovat do të llogaritet me 42.85 lekë në vend të 11 lekë/ kilovat që është aktualisht.

Teksa ERE kishte marrë vendimin që më 1 tetor të ndryshonte fasha e energjisë, kryeministri Edi Rama u tërhoq duke u shprehur se gjatë kësaj kohe ka pasur shtim të kuotës në Fierzë për shkak të shirave dhe se qytetarët kishin kursyer.

Me këtë rritje çmimi mbi fashën, OSHEE synonte që të mblidhte 1.8 miliardë lekë apo 15.5 milion euro, të cilat do të përdoren për blerjen e energjisë në import gjatë tre muajve të mbetura. 40-70 mijë familje pritej të kishin një dimër më të kushtueshëm këtë vit sesa të tjerët.

o.j/dita