Policia Kufitare njoftoi ka bllokuar 3 mjete lundruese në Sarandë, Durrës dhe Shkodër, në kuadër të kontrolleve për mbarëvajtjen e sezonit turistik. Konkretisht janë bllokuar dy skafe në Durrës dhe Shkodër dhe një varkë në Sarandë.
Skafi i bllokuar në Durrës dyshohet se është vjedhur në Australi. Drejtuesi i tij, 41-vjeçari nga Shijaku F.L., është vënë nën hetim në gjendje të lirë për veprën penale “trafikimi i mjeteve motorike”.
Nga ana tjetër, drejtuesi i varkës në Sarandë është dënuar me 110 mijë lekë gjobë për mungesë dokumentacioni. Gjithashtu edhe drejtuesi i skafit në Shkodër u dënua me 10 mijë lekë gjobë për mungesë të dokumentacioneve për daljen në det.
