Peshkopi i qytetit polak të Sosnowiec në Poloni, Msgr. Grzegorz Kaszak dha dorëheqjen pas një skandali që shpërtheu në dioqezën e tij muajin e kaluar, kur u zbulua se në qytetin e Dabrowa Gornicza, një orgji homoseksuale ishte organizuar në shtëpinë e një prifti.
Papa Françesku ka pranuar dorëheqjen nga qeverisja baritore e paraqitur nga Peshkopi.
Faktet përfshijnë një prift, Tomasz Zmarzly, nga famullia e Virgjëreshës së Bekuar të Engjëjve, i cili u vu nën hetim pasi festa e homoseksualëve e organizuar në banesën e tij përfundoi keq.
Sipas mediave lokale, një mik i priftit humbi ndjenjat, pasi mori disa pilula të një ilaçi të ngjashëm me Viagrën. Ai që kërkoi ndihmë, ishte zhigoloja i ftuar në orgji, i shqetësuar për gjendjen shëndetësore të burrit.
Megjithatë, prifti refuzoi t’i linte mjekët ndihmës së shpejtë dhe dyshohet se urdhëroi zhigolonë të largohej.
Pasi policia u alarmua, oficerët hynë me forcë dhe e çuan me urgjencë burrin në spital, pasi kishte humbur ndienjat.
Një burim i afërt me incidentin, i tha “Gazeta Wyborcza”-s: “Ngjarja u organizua nga prifti dhe ishte thjesht seksuale. Pjesëmarrësit morën pilula për të shmangur impotencën”.
Peshkopi i Sosnowiec, Grzegorz Kaszak, 59 vjeç, i cili deri më tani mbikëqyrte famullinë e priftit të përfshirë në skandal, fillimisht tha se kishte caktuar një komision “për të shpjeguar urgjentisht rrethanat e situatës”.
Më pas, në ditët në vijim, ai u shkroi një letër priftërinjve, duke thënë se ishte gati të “pranonte pasojat” e skandalit dhe pohoi se në dioqezën e Sosnowiec, “nuk ka pëlqim për të keqen morale”.
“Ngjarjet e fundit në Dabrowa Gornicza na kanë mbushur me dhimbje, turp dhe zemërim të madh për atë që ndodhi atje, – shkruan peshkopi pas mediave polake. – Ne nuk dimë gjithçka saktësisht, prokuroria është duke hetuar çështjen për shkelje të ligjit civil, ndërsa komisioni ynë është duke hetuar rastin për shkelje të ligjit hyjnor dhe kanunor. Teksa shkruaj këto fjalë, puna është ende në vazhdim, kështu që është e vështirë të komentohet se çfarë ka ndodhur saktësisht. Etiketimi i të gjithë priftërinjve të Dabrowa Gornicza është i gabuar. Çdo përgjithësim në këtë vështrimi është i padrejtë”, tha Mgr. Kaszak.
