Thirrjet e vazhdueshme të Berishës për urrejtje ndaj kundërshtarëve nxisin militantët radikalë drejt dhunës. Ky më poshtë është një kërcënime për vdekje ndaj atyre që i konsiderojnë armiq, – publikon Report TV.
Dhëndri i Berishës, Malltezi postoi në faqen e tij Facebook një foto të gazetarit Carlo Bollino me bashkëshorten Alba Malltezi, kryetarin e Bashkisë Erjon Veliaj dhe bashkëshorten Ajola Xoxe, bërë rreth 10 vite më parë në Alberobello, Itali.
Botimi i fotos është përdorur nga një fanse e tij Zyhra Sorra Kola, 66 vjeç me origjinë nga Bajram Curri, për të publikuar një koment me kërcënime të rënda.
“Kater k…duhen vrarë me bukë në gojë”, shkruan 66 vjeçarja, duke marrë pëlqimin e një tjetre. Tjetra është bashkëpronare në kullat e “Partizanit”, Rajmonda Bekteshi.
“Studio ligjore po shqyrton mundësinë për të paraqitur kallëzim për kanosje pranë policisë së krimeve kibernetike. Dëshpërimi i dhëndrit të Sali Berishës, që quhet Jamarbër por që e thërret veten Abi Malltezi, investigimet e gazetarëve ndaj tij për pastrim parash në 19 kullat që ai ka ndërtuar në tokat e ish Kompleksit Partizani, i ndihmuar nga vjehrri Sali Berisha dhe skandale të tjera të thella ende të pabëra publike, kanë ndikuar që vetë ai, por dhe një rreth i pakët ekstremistësh që kanë interesa me të, të publikojnë vazhdimisht në rrjete sociale shpifje dhe kërcënime” – shkruan Report TV.
