Ministri i Kulturës, Rinisë dhe Sporteve në Kosovë, Hajrulla Çeku, deklaroi se është kërcënuar me jetë nga serbët.
Në një intervistë për Euronews Albania, Çeku u shpreh se ka marrë kërcënime si në rrjetet sociale, ashtu edhe në mënyrë private.
Sipas tij kërcënimet përmbanin fyerje dhe gjuhë të urrejtjes, ku nënvizoi se ato erdhën pas reagimit ndaj flamurit, ku gjendej harta e Kosovës me ngjyrat e Serbisë, shpalosur fillimisht nga tifozët serbë në Botërorin “Katar 2022” dhe më pas nga futbollistët serbë në dhomat e zhveshjes.
Sipas tij, shovinizmi serb është rreziku më i madh për paqen, stabilitetin dhe demokracinë në rajonin e Ballkanit Perëndimor.
“Janë mesazhe, të cilat janë dërguar edhe në hapësirën publike të rrjeteve sociale, të profileve, por edhe private, të cilat përmbajnë fyerje, gjuhë të urrejtjes, por edhe kërcënimeve direkte, si pasojë e asaj që ka ndodhur dhe reagimet që kemi pasur si institucione dhe si shoqëri, në raport me aktin skandaloz të ekipit të futbollit të Serbisë në Botërorin e Katarit. Me një flamur i cili nuk ishte vetëm simbol nacionalist, për më tepër, një veprim shovinist, një pretendim i qartë pushtues, një aspiratë territoriale e Serbisë në raport me Repulikën e Kosovës.
Pas këtyre reagimeve dhe sensibilizimit të opinionit botëror, përfshirë edhe FIFA-n dhe nisjes së procedurës disiplinore ndaj Serbisë, si pasojë erdhën edhe këto mesazhe me përmbajtje shumë problematike. Për hir të së vërtetës, nuk është diçka e re, sepse gjuhë të tillë ekstremiste nga Serbia, kemi pasur edhe në të kaluarën. Këtu targetohen edhe zyrtarë të shtetit të Kosovës, edhe intelektualë publikë, edhe shoqëria civile. Për mua, është edhe një dëshmi se shovinizmi serb është rreziku më i madh për paqen, stabilitetin dhe demokracinë në rajonin e Ballkanit Perëndimor”, theksoi ai.
Kujtojmë se Federata Botërore e Futbollit (FIFA) ka njoftuar të shtunën se ka nisur masa disiplinore ndaj Federatës Serbe të Futbollit, për varjen e një flamuri me përmbajtje politike në raport me Kosovën në dhomat e zhveshjes, përpara se të luante të enjten me Brazilin në Kupën e Botës në Katar.
a.m/dita
RROFTE FLAMURI
RROFTE DARDANIA
ESHTE KOSOVA
PA ESHTE SHQIPERIA
Përse fut përçarje ti i flamurit serb?! Është Shqipëria dhe Kosova bashkë dhe jo është Kosova pa është Shqipëria! Grindje se kush i parë dhe kush i dytë! Shqipëria u bë me vonesë, pikërisht nga ky mentalitet provincial, duke luftuar njëri tjetrin dhe jo duke u bashkuar kundër të tjerëve.
Pa bere shtetin e pare shqiptar, Kosova nuk do te clirohej kurre. Bota i njohu dhe pranoi shqiptaret si komb vetem pas afirmimit te Shqiperise si shtet, me te gjitha format ekonomike e politike qe morri ne rrugetim e siper.
Marrezia se kush eshte i pari nder dy shtetet vjen nga padija dhe komplekset qe pushtimi sllav ka lene ne Kosove, e cila duhet te tregoje se mund te mbijetoje si shtet, pa e perdorur Shqiperine, sikurse kjo e fundit nuk e ka perdorur Kosoven, pervecse e ka mbeshtetur brenda mundesive, si gjithe shqiptaret ne rajon.
Shqiperia nuk eshte Gjermania dhe shembulli historik i Austrise, e cila eci me kembet e veta e jo pas Gjermanise duhet t’i sherbeje sot edhe Kosoves.
Numri i shqiptareve ne rajon e ne bote nuk na ka mjaftuar kurre ne historine tone dhe as eshte llogaritur ne tryezat ku behet e zhbehet harta e botes.
Enderra e shqiptareve eshte realizuar dhe jane te lire kudo ndodhen, pervec Presheves e Bujanovcit ku serbet nuk u japin te drejtat qe kane ata vete ne Kosove.