Eurodeputetja greke Eva Kaili ka mohuar ditën e sotme që të jetë e përfshirë në një skandal korrupsioni që përfshin organizuesin e Kupës së Botës këtë vit, Katarin dhe Parlamentin Evropian.
Ajo është nga katër të dyshuarit e vënë në pranga pasi hetuesit belgë gjetën shuma të mëdha parash kesh në banesa dhe në një valixhe.
Drejtuesja e parlamentit Roberta Metsola u shpreh se këto janë ditë të vështira për demokracinë europiane ndërsa Katari ka mohuar çdo akuzë.
“Eva Kaili deklaron pafajësinë dhe thotë se nuk ka asnjë lidhje me ryshfetet e marra nga Katari,” u shpreh avokati i saj Michalis Dimitrakopoulos për mediat greke.
Sipas prokurorisë belge, pas një sërë kontrollesh, në banesën e një prej të dyshuarve u gjetën rreth 600,000 euro, 150,000 euro të tjera u gjetën në banesën e një eurodeputeti dhe disa qindra mijë euro në një valixhe në një dhomë hoteli në Bruksel.
E pyetur nëse ishin gjetur para në banesën e Kailit, avokati i saj u shpreh se nuk ishte në dijeni.
Të dyshuarit e arrestuar nga policia belge janë akuzuar për “pjesëmarrje në një organizatë kriminale, pastrim parash dhe korrupsion” dhe do të dalin para gjykatës të mërkurën.
kjo e hengri dhe e hengri sepse kot nuk hapen kartat por rrezik ne kete rremuje se mos i dale emri edhe ketij tonit,te na nderoje.