Spahiu shkarkon drejtoreshën e Sterilizimit, pasi dha tenderin 50 mln euro të dializës

Problemet në sektorin e Shëndetësisë janë plaga më e madhe për shqiptarët, që vijojnë të vidhen pafund nga konçesionet abizive të dhëna ndër vite, ku spitalet private po korin pafund lekë.

Klodiana Spahiu, ministrja e re e Shëndetësisë, pak minuta pasi foli për prioritete, u tregua e prerë se fokus i saj mbetet transformimi i shëndetësisë. Por ndërsa të gjithë e pritën ministren me buzëqeshje, të tjerë, ndoshta të emëruar dhe pa meritë kanë filluar të bëjnë nderet e fundit duke hapur dhe mëtej plagën e korrupsionit në sistemin shëndetësor.

Arisa Cane, drejtoreshë e Operatorit të Sterilizimit, e cila menaxhonte buxhetin e tre shërbimeve të mëdha; sterilizimin, check up-in dhe dializën u shkarkua direkt nga ministrja Klodiana Spahiu pasi e sfidoi hapur dhe i bëri nderin e fundit privatëve duke shpallur suedezët e Diaverum fitues të tenderit 50 milionë euro që do të ofrojë shërbimin e dializës në katër vitet e ardhshme.

Tenderi, sipas burimeve të sigurta të Vox News, u kërkua personalisht nga ministrja Spahiu që të mos aprovohej, pasi ajo kishte dyshime dhe kërkoi që të sqarohej personalisht me atë se çfarë do të ofronte kompania, duke qënë se është dhe një njohësr shumë e mirë e sktorit të shëndetësisë.

Spahiu hasi në kundërshtinë e Arisa Canes, dhe fillimisht kërkoi që ajo të pezullohej pëkohësisht deri sa situata të qartëdlsohej. Por Cane, nxitoi dhe bëri nderin e fundit duke i hapur një plagë sistemit dhe firmosi tenderin për suedezët e Diaverum, të cilët ishin edhe pjesëmarrësit e vetëm në garë, duke i shpallur fitues. Kompania kishte ofruar çmimin 4.44 miliardë lekë ose 48.2 milionë euro.

Menjëherë Spahiu firmosi largimin e saj, ndërsa ka nisur një hetim i brendshëm që më pas do t’i përcillet dhe autoriteteve ligjzbatuese.

Arisa Cane u emërua në krye të Operatorit të Shërbimeve të Integruara të Sterilizimit (OSHIS) nga ish ministrja e larguar Evis Sala, në fillim të këtij viti. Cane menaxhoi një buxhet dhjetra milionë euro, që kulmoi me tenderin 4 vjeçar të dializës, që duket se pavarësisht konstatimeve dhe problematikave të ngritura nga KLSH, sektori i Shëndetësisë, merr një goditje, pikërisht në momentin kur pritej që ky shërbim të ofrohej në mënyrë më efektive.

Paralajmërimi i Klodiana Spahiut, se kush nuk ecën në të njëjtin ritëm me të, diket se ka bërë që kaçakët e sistemit të shpërthejnë dhe nisin luftën duke bërë nderet e fundit me tenderat me buxhete të mëdha. / VOX