Një aksion i Prokurorisë së Posaçme kundër Korrupsionit dhe Krimit të Organizuar (SPAK) ka goditur një skemë kontrabande cigaresh, ku të përfshirë janë zyrtarë doganorë, biznesmenë dhe shtetasve të huaj.
Burime nga organi i akuzës bëjnë me dije se janë lëshuar 15 urdhër-arreste, një pjesë e të cilëve tashmë janë ekzekutuar nga strukturat e Policisë së Shtetit në bashkëpunim me autoritetet ligjzbatuese.
Po ashtu, janë firmosur 21 urdhra ndalimi për dalje jashtë territorit të Republikës së Shqipërisë, të cilat kanë si qëllim frenimin e arratisjes së personave nën hetim.
