Tetë personat e akuzuar nga SPAK për koncensionin e sterilizimit të pajisjeve spitalore do të njihen këtë të premte me masën e sigurisë.
Seanca pranë Gjykatës së Posaçme ka nisur që prej orës 09:00. Prokurori Edvin Kondili ka kërkuar që seanca të zhvillohet me dyer të mbyllura për shkak të sekretit hetimor.
Mes këtyre tetë personave të akuzuar janë edhe ish zëvendës ministri i Shëndetësisë, Klodian Rjepaj dhe biznesmeni që fitoi tenderin për koncesionin e sterilizmit, Ilir Rrapaj, ndaj të cilëve është dhënë masa arrest me burg. Të dy u arrestuan me urdhër të SPAK për koncesionin me vlerë 100 milion euro.
Arrest me burg:
Ilir Rrapaj, biznesmen
Klodjan Rrjepaj, ish-zv.ministër i Shëndetësisë
Arrest shtëpie:
Saimir Kadiu, drejtor ekonomik
Marsela Serjanaj, drejtoreshe juridike
Detyrim paraqitje:
Arben Gjata, Rektori i Universitetit të Mjekësisë dhe njëherësh shefi i kirurgjisë në QSUT
Pertef Mersini
Genc Burazeri
Naile Ajazi.
Me përjashtim të Ilir Rrapaj që akuzohet për mashtrim, ndaj të tjerëve rëndon akuzat e shpërdorimit të detyrës dhe falsifikimit të dokumenteve. Hetimi për koncesionin e sterizlimit nisi në vitin 2020. Ishte padia e parë e depozituar menjëherë pas ngritjes së Prokurorisë së Posaçme Kundër Korrupsionit dhe Krimit të Organizuar.
Tenderi i sterlizimit i kushton buxhetit të shtetit mesatarisht 13 milionë euro në vit. Prokurori i kësaj çështjejemësohet se i ka dërguar kërkesat për masa në gjykatë në muajin qershor, por zbatimi i tyre është bërë vetëm pas lokalizimit të biznesmenit Ilir Rrapaj, i cili është ndaluar në Dhërmi ku ndodhej me pushime.
p.k\dita
