Ministri Blendi Gonxhja ka reaguar për sulmin drejt vilës së Enver Hoxhës, duke e cilësuar atë si një akt të papranueshëm dhune dhe agresioni ndaj artit, lirisë dhe imazhit ndërkombëtar të Shqipërisë. Sipas tij, në godinë ndodheshin 12 artistë, shumica të huaj, të cilët fatmirësisht nuk pësuan lëndime.
Ai e konsideron ngjarjen një sulm ndaj komunitetit artistik dhe vlerave demokratike të vendit, duke theksuar se projekte si ArtExplora përfaqësojnë hapjen, kulturën dhe orientimin evropian të Shqipërisë. Gonxhja kërkon gjithashtu që drejtësia të veprojë me përgjegjësi për këtë rast.
“Është absolutisht revoltuese të shohësh se si verbëria politike e një opozite të dëshpëruar nuk ndalet para asgjëje, duke lëshuar masivë molotovi mbi një godinë ku brenda ka artistë, njerëz, jetë dhe krijimtari! Të sulmosh me egërsi një qendër ndërkombëtare arti si ArtExplora, një nga fondacionet më prestigjioze në botë për mbështetjen e talentit dhe rezidencave artistike, është një akt terrorizmi që tenton të na kthejë pas në epokat më të errëta të hirit dhe shkatërrimit.
Sot, në ato mure nuk ka më izolim ideologjik, por studio ku artistë elitarë nga e gjithë bota kanë zgjedhur të jetojnë e të krijojnë. Kjo vilë, e shndërruar në një tempull të mendimit të lirë, është dëshmia e triumfit tonë mbi diktaturën dhe dhuna e sotme është një sulm ndaj qytetërimit tonë që mbi kujtesën ngre ndërgjegjen. 12 artistë, shumica të huaj, e mes tyre edhe të rinj që vijnë nga vende me fronte lufte dhe që kanë përjetuar trauma, pikërisht sepse programi ka edhe natyrë sociale e solidare, ndodheshin sot aty, për fat pa pasoja, ndërsa po informojme e qetësojmë familjet. Një komunitet artistik që jeton e punon në atë objekt për të materializuar lirinë u terrorizua sot nga antiliria!
Kam nje pyetje : sikur une te deklaroj se do vrase KLODIAN BRAHON, menjehere do te arrestohem, ndersa Sali Berisha deklaroi ne televizion se sulmuan me molotov vilen se kujtuan se ishte brenda kryeministri Shqiperise, Edi Rama, per ta vrare atehere perse nuk arrestohet nje kriminel qe tentoi te kryej nje krim dhe nuk ja arriti?! Kjo do te thote qe Klodian Braho eshte bashkepuntor me Sali Berishen ne kryerjen e krimit. Me thoni te kunderten? Ose perse mbahet dosja e 21 janarit ne sirtar nga Dumani prej 15 vjetesh?! Do te thote se Dumani eshte bashkepuntor me Sali Berishen. Atehere SPAK del organizate kriminale kunder pushtetit shqiptar te zgjedhur me voten e popullit dhe antaret e tij jane bandite ne bashkepunim me krimin. Me thoni te kunderten?! Dhe gjykatesit jane notere te SPAK !