Kryeministri i Kosovës, Albin Kurti ka shprehur ngushëllime për viktimat dhe familjet e tyre, pas sulmit të armatosur në Beograd të Serbisë.
Kurti po ashtu ka uruar shërim sa më të shpejtë për të lënduarit.
“Dëshiroj të shpreh ngushëllimet e mia më të thella për viktimat e të shtënave në shkollë në Beograd dhe për familjet e tyre. Gjithashtu u uroj shërim sa më të shpejtë të lënduarve në këtë ngjarje tragjike”, ka shkruar ai në Twitter.
Tetë nxënës dhe një roje sigurie u vranë të mërkurën nga të shtënat me armë zjarri në Shkollën Fillore “Vladislav Ribnikar” në Beograd. Sipas njoftimit, gjashtë nxënës të tjerë dhe një mësues u plagosën dhe aktualisht ndodhen në trajtim mjekësor.
Në oborrin e shkollës është arrestuar nxënësi i kësaj shkolle, Kosta. K. 14-vjeçar, i cili ka plagosur edhe gjashtë nxënës dhe një mësuese.
Shefi i Policisë së Beogradit, Veselin Miliç ka deklaruar se janë duke u bërë hetime për ndriçimin e rastit.
Sipas njohurive, siç ka treguar Miliç, 14-vjeçari veprën penale e kishte planifikuar që një kohë të gjatë.
I’d like to express my deepest condolences to the victims of the school shooting in Belgrade and to their families. I also wish a very speedy recovery to those injured in this tragic event.
— Albin Kurti (@albinkurti) May 4, 2023
j.l./ dita
