Sulltani i Bruneit është në fronin e kësaj monarkie parlamentare që nga viti 1967 dhe gjatë kësaj kohe ka grumbulluar një pasuri të madhe të cilën e shpenzon për jetë ekstravagante.
Vlera e pasurisë së tij vlerësohet në rreth 35 miliardë euro dhe ai mban titullin e sundimtarit më të pasur në botë.
Ai erdhi në pushtet më 5 tetor 1967, duke marrë detyrën nga Omar Ali Saifudiyan dhe duke u bërë kështu sundimtari i 29-të i vendit.
75-vjeçari është njëkohësisht kryeministër, ministër i mbrojtjes dhe ministër i punëve të jashtme. Emri i tij i plotë është Sulltan Paduka Seri Baginda Sulltan Haji Hasanal Bolkijah Mu’izadin Wadaulah.
Disa burime pretendojnë se Sulltani i Brunei zotëron 7,000 makina luksoze, duke përfshirë 365 Ferrari, 275 Lamborghini, 258 Aston Martin, 172 Bugatti, 230 Porsche, 350 Bentley, 600 Roll Royce, 440 Mercedes, 265 Audi, 237 Jaguar, 237 Petrol and Rover. Përflitet se ky Sulltan zotëron më shumë se gjysmën e të gjithë Ferrare-ve të shitura midis viteve 1990 dhe 2000.
Pallati Mbretëror i Sulltanit të Bruneit “Istana Nurul Iman” është ndërtuar në vitin 1984 dhe mbulon një sipërfaqe të madhe dy milionë metra katrorë. Sipas Librit të Rekordeve Guinness, ky pallat është më i madhi në botë.
Pjesa e brendshme përbëhet nga një kube prej ari njëzet e dy karatësh, 1700 dhoma, pesë pishina të mëdha dhe 257 banja. Në pallat ka edhe 110 garazhe, ka 564 llambadarë që kërkojnë 51,000 llamba për të funksionuar.
Megjithatë, pallati ku ai jeton nuk është i hapur për publikun, por përdoret për funksione të rëndësishme shtetërore dhe festa specifike muslimane kur rreth 110,000 njerëz vijnë gjatë Fitër Bajramit. Vlerësohet në më shumë se 1.5 miliardë euro, por ndoshta nuk do të dalë kurrë në tregun e hapur, ndaj çmimi do të mbetet sekret.
Sulltani i Bruneit zotëron gjithashtu një avion Boeing që ka dritare dhe dyer të veshura me ar, si dhe sedilje lëkure. Ai ka kopshtin e tij zoologjik privat që përmban 30 tigra të Bengalit, skifterë, flamingo dhe kakato të panumërta.
Hasanali është martuar gjithsej tre herë.
i.b. / dita
