Industria e modelimit mund të jetë vërtet e vështirë për gratë, për shkak të kërkesave dhe pritshmërive shumë të ngurta. Charlie Ann Max, e cila përveçse modele është artiste, e ka jetuar për shumë vite. Siç rrëfen ajo vetë, “Kam pasur një kohë kur e kam pasur të vështirë të pranoj trupin tim, pasi kam kaluar gjithë jetën në shkolla baleti, ku kulti i trupit ishte mjaft toksik”. Të dy botët e bënë atë të dyshonte për veten. Pikërisht atëherë, në vitin 2018, krijoi projektin ‘The Füde Dinner Experience’, në të cilin ndërthur “ushqim me origjinë bimore, art dhe lakuriqësi, për të gjetur veten dhe për të dashur veten”.
Imagjinoni. Në çdo natë të caktuar, pas një dite formaliteti në punë dhe duke përmbushur të gjitha përgjegjësitë tuaja, ju hyni në një dhomë, zhvisheni plotësisht lakuriq dhe bashkoheni me 24 njerëz të tjerë nudo, për të shijuar bisedën, ushqimin vegan dhe lirinë. Dhe gjithashtu arti. Siç theksojnë ata nga ‘El Mundo’, “eksperiencat kurohen nga njerëz nga fusha të ndryshme artistike, të cilët para darkës ofrojnë perspektivën e tyre për të ftuarit, në mënyrë që ata të mund të lidhen me veten e tyre më të thellë”. Ndër të tjera, para se të ulen për darkë, “ngrënësit kryejnë dhe një vallëzim të vogël, që zgjon shqisat e tyre”, e ndjekur nga meditimi. Kjo ide ‘novatore’ po përhapet me shpejtësi në Europë dhe më tej. Ku eksperiencat e para nisin me vendet nordike, Gjermaninë, Holandën dhe në radhë është Spanja.
