Vëzhguesit e yjeve do të kenë mundësinë të shohin këtë 1 gusht, superhënën e parë të këtij muaji, nga dy që priten gjithsej.
Fenomeni i “superhënës” ndodh kur një hënë e plotë ndodhet në pikën më të afërt me Tokën, duke e bërë atë të duket deri në 14% më e madhe dhe 30% më e ndritshme krahasuar me atë kur është më larg.
Duke u ngritur në lindje në një distancë prej rreth 357,530 km, superhëna do të jetë e dukshme menjëherë pas perëndimit të diellit, rreth orës 21:00 e tutje – në varësi dhe të pozicionit të reve.
Ngjarja e së martës mbrëma quhet një “hëna e blirit”.
Dhe ka një kënaqësi të dyfishtë, sepse do të ketë një tjetër superhënë më 31 gusht.
Për shkak se pritet të jetë hëna e dytë e plotë në të njëjtin muaj, ajo njihet ndryshe si një hënë blu.
Si mund ta shihni superhënën?
Muzeu Royal Greenwich në një njoftim publik tha se: “Për sa kohë që nuk ka shumë re, hëna e plotë do të jetë një rruzull i bardhë i pagabueshëm në qiell”.
“Kjo është një mundësi e mirë për të përdorur një teleskop të vogël ose një palë dylbi për të parë sipërfaqen e detajuar të hënës, apo edhe të provoni të bëni disa foto interesante të hënës.
Megjithatë, ju mund ta shihni hënën në mënyrë të përsosur vetëm me sytë tuaj. Të shohësh lindjen e hënës menjëherë pas perëndimit të diellit, ose perëndimin e hënës pak para lindjes së diellit, do të jetë një pamje mbresëlënëse pasi do të duket e madhe në krahasim me peizazhin përreth”, thuhet në njoftim.
j.l./ dita
