Me mijëra fitues të përzgjedhur nga të gjitha qytetet në vend, u janë gëzuar edhe gjatë ditës së djeshme çmimeve të mëdha të siguruara nëpërmjet lojës telefonike me dhuratat dhe shumat e fshehura në zarfe, lojës së “Ruletës së fatit”, shorteun e goglave për çmimin e madh të javës në Telebingo Shqiptare.
Sikundër është bërë traditë tashmë, dje shpallja e fituesve ka nisur me lojën e “Rrotës së Fatit”, ku mbi 4.3 milionë lekë të vjetra janë siguruar nga 9 fituesit e shorteut të datës 7 maj, të cilët kanë luajtur ndërmjet tyre për të fituar dy çmimet e preferuara prej 1 milionë lekësh (të vjetra). Në lojën e “Rrotës së Fatit”, dje Ola ka siguruar 23,000 lekë, Flamuri 25,000 lekë, Nespulla 40,000 lekë, Alida 100,000 lekë, Sokoli 40,000 lekë, Nexhmija 28,000 lekë, Luljeta 26,000 lekë, Xhaviti 27,000 lekë, si dhe Leonardi 106,000 lekë. Në këtë lojë janë përzgjedhur edhe 10 fitues të tjerë, të cilët do të luajnë sërish në shorteun e datës 21 maj.
Të shumtë kanë qenë fituesit që i janë bashkuar Telebingos edhe në lojën telefonike me dhuratat dhe çmimet e fshehura në zarfe. Përzgjedhja rastësore e kontrabiletave ka shpallur Kujtimin në Durrës si fituesin e parë të lojës telefonike. Me mbajtjen e zarfeve më të preferuara, ai ka siguruar shumën prej 55,000 lekësh.
Kastrioti në Skrapar ishte një tjetër fitues që ka tentuar të gjejë se në cilin prej zarfeve mund të fshiheshin “Rrogat Telebingo”, por me mbajtjen e zarfeve në fund të lojës, ai ka fituar shumën prej 1.1 milionë lekësh të vjetra. Ndërsa në vijim, Liria në Tiranë ka fituar në lojën telefonike shumën prej 80,000 lekësh.
Shyqyriu në Vlorë ka vijuar të luajë me lojën telefonike me dhuratat dhe çmimet e fshehura në zarfe, duke siguruar plot 1 milionë lekë të vjetra.
Një tjetër fitues i është bashkuar lojës telefonike. Kësaj here bëhet fjalë për Ladin në kryeqytet, i cili krahas shumës prej 40,000 lekësh, do të luajë edhe në lojën e “100 sekonda në Spar”, ku do të mund të marrë të gjitha produktet e tij më të preferuara.
Pas fituesve të lojës telefonike është hedhur edhe shorti i goglave për çmimin e madh të javës, që ka kapur vlerën e 1,048,700 lekësh. Seria e numrave të përzgjedhur ka treguar se çmimi i madh i javës shkon në Lushnje, ku dhe rezulton të jetë blerë bileta fituese. Nga hedhja e shortit të goglave janë përzgjedhur edhe mijëra fitues të tjerë, përkatësisht të serisë së numrave me një linjë dhe dy linja. Janë shpallur si fitues të serisë me një linjë 16603 lojtarë, të cilët fitojnë nga Telebingo Shqiptare shumën prej 50 lekësh. Fatlumë janë edhe 332 fituesit e serisë së numrave me dy linja, ku secili prej tyre do të marrë nga Telebingo shumën prej 1,050 lekësh. Gjithashtu, nga shorti i goglave janë shpallur si fitues të një bilete, edhe të gjithë lojtarët që kanë numrin 2 të përcaktuar si numër fati në biletën e tyre.
Lista e fituesve në Telebingo Shqiptare është zgjeruar edhe më tej, kur në studio janë paraqitur edhe dy fituesit e çmimit të madh të shorteut të datës 7 maj, Dafina Dera dhe Ndriçim Laçi, ku secili prej tyre ka marrë çekun me mbi 4.8 milionë lekë të vjetra.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
