Mbi 47,000 persona vdiqën në Evropë për shkak të temperaturave jashtëzakonisht të larta në vitin 2023 dhe vendet në jug të kontinentit vuajtën pasojat më të rënda, sipas një raporti të Institutit të Barcelonës për Shëndetin Global (ISGlobal) bërë publik të hënën.
Viti i kaluar ishte më i nxehti i regjistruar në botë. Ndërkohë që temperaturat vazhdojnë të ngrihen për shkak të ndryshimeve klimatike, evropianët jetojnë në kontinentin me ngrohjen më të shpejtë në botë, duke u përballur me rreziqe në rritje për shëndetin.
Numri i vdekjeve në vitin 2023 – më i ulët sesa ai prej 60,000 vdekjesh të lidhura me nxehtësinë në vitin paraprak – do të kishte qenë 80% më i lartë po të mos ishin zbatuar masat e 20 viteve të fundit për të ndihmuar njerëzit të përshtaten me temperaturat në rritje, si sistemet e paralajmërimit të hershëm dhe përmirësimet në kujdesin shëndetësor, sipas raportit të qendrës kërkimore spanjolle.
“Përfundimet tona tregojnë se gjatë këtij shekulli janë ndërmarrë hapa që shoqëria të përshtatet me temperaturat e larta, që kanë reduktuar në mënyrë dramatike pasojat e nxehtësisë dhe shkallën e vdekshmërisë, veçanërisht mes të moshuarve”, thotë Elisa Gallo, studiuese në ISGlobal dhe autore e studimit.
Studiuesit përdorën të dhënat e vdekjeve dhe temperaturës nga 35 vende evropiane. Ata vlerësojnë se 47,690 vdiqën nga shkaqe që lidhen me temperaturat e larta. Greqia, Bullgaria, Italia dhe Spanja ishin vendet me shkallën më të lartë të vdekshmërisë nga nxehtësia.
VOA
Mire qe ka pasur 47-mije vdekje, se vdekje ka pasur e do te kete gjithmone, sepse eshte cikli i jetes se njeriut, qe lind e do te vdese nje dite, por qesharak eshte fakti qe thone se vdekjet ishin nga nxehtesia apo vapa e veres. Si arriten ne kete konkluzion? Ju ben autopsine te gjithe te vdekurve dhe vertetuan se shkaku i vdekjeve ishin temperaturat e ambientit? Keto jane brockulla dhe artikuj qesharake, te cilat perdoren si nje mjet trushplarje propagandistik per publikun, qe ti ngulisin mire ne koke mashtrimin e sharlatanizmin e teorise fallco te ngtohjes Globale. Hajde gazetari hajde. Jetojme ne boten e cudirave.
Nje gazete nga keto tonat paralajmeronte dje Temperatura perveluese.
U pervelofshi!Para te shkoj Turist ne Shqiperi,NUK KAM.
Numrat e te reneve nga Vapa jane bere si numrat e deshmoreve te luftes Nacl.Sa shqiptare vdiqwen nga 39-44,,u llogariten deshmore te Atdheut. Ulni re kungullin ne toke,,oooo STATISTIKAAA!