Ish-kreu i Bashkisë së Memaliajt, Gjolek Guci është marrë i pandehur nga Prokuroria e Posaçme për shkelje të barazisë në tenderë.
Pjesë e grupit të personave që kanë rezultuar me përgjegjësi ligjore janë edhe Edmonda Harizi, Bersant Ylli, dhe Feta Hoxha.
Prokuroria ka gjetur shkelje në një procedurë prokurimi që ka të bëjë me ujësjellësin në 8 fshatra.
Bëhet fjalë për një tender të vitit 2021 me fond limit 4.1 milionë euro dhe me kohëzgjatje kontratë 24 mujore. Tenderi është fituar nga kompanitë “KEG” sh.p.k dhe “ED KONSTRUKSION” shpk.
“Nga hetimet ka rezultuar se Kryetari i Bashkisë Memaliaj, shtetasi Gjolek Guci, më 21 shtator të vitit 2020 ka nënshkruar kontratën e dhurimit me nr. 658/1 Prot., me operatorin ekonomik “Artreum Generation” sh.p.k., të përfaqësuar nga administratori A.Sh. Ndërsa projekti për zbatimin e ndërtimit të ujësjellësit rajonal është miratuar nga Kryetari i Bashkisë Memaliaj.
Fondi për objektin, në vlerën mbi 493 milionë lekë (493.183.572), ishte ndarë në zëra për ndërtim, montim, drejtimin dhe kolaudimin e punimeve. Vlera e miratuar ishte e njëjtë me vlerën e kostove në projektin e dhuruar nga shoqëria “Artreum Generation”, nënkontraktore e njërës prej kompanive fituese të tenderit.
Pas analizës së dokumentacionit të procedurës së prokurimit, është konstatuar se anëtarët e Komisionit të Vlerësimit të Ofertave, shtetasit Edmonda Harizi, Feta Hoxha, Bersant Ylli dhe titullari i autoritetit kontraktor (Bashkia e Memaliajt), shtetasi Gjolek Guci, në bashkëpunim me njëri-tjetrin, kanë krijuar avantazhe dhe privilegje të padrejta për operatorë të tretë, duke kualifikuar dhe shpallur fitues bashkimin e operatorëve ekonomikë “KEG” sh.p.k. & “ED Konstruksion” sh.p.k., të cilët kishin mangësi në dokumentacionin e paraqitur, veçanërisht në kriteret për kapacitetin teknik.
Gjithashtu, është pranuar nënkontraktimi me operatorin ekonomik “Artreum Generation” sh.p.k., i cili ndodhej në kushtet e konfliktit të interesit, pasi kishte dhuruar projektin dhe kishte hartuar specifikimet teknike dhe nuk plotësonte kriteret ligjore për nënkontraktor”, thuhet në njoftimin e SPAK.
Gjolek Guci ka udhëhequr Bashkinë e Memaliajt për vite me radhë, deri kur kandidati i “Bashkë Fitojmë” Albert Malaj fitoi me një diferencë prej 312 votash.
Për Gucin ka pasur edhe denoncime te tjera nga qytetarë, por edhe nga Partia Demokratike.
j.l./ dita
Vidhni o lopcare SociaPiSte, vidhni..
Shikoni fytyrat e Avdalleve. Nuk pertojne te marrin milionat fet e fet.
Kur i merr Balldosa miliarda euro per vete dhe per Ramen, sic i ka marre Berisha per vete e per Ulaj..nuk ka pse te mos marri dhe ky ca meleone…
Copa kermash
Ore nuk ka zyrtar te Partise Rama qe mos jete der ne gryke me vjedhje neper tendera. E kane detyre partie, kush nuk di ta kryeje e ta dorezoje zarfin ne kryeministri hap krahun e zevendesohet nga tjetri. Dhe prova eshte Bela Balluku per te cilen vete Rama eshte shprehur ” ajo zonja me kryen punet qe asnje burre nuk i del per zot ” ndaj dhe ka te drejte ta mbaje per leckash fort se mos ja rrembe SPAK!
Baba timorri i iranit.
Ashtu eshte shumica dermuese e popullit, hajdut.