Kryetari i Aleancës për Akmërinë e Kosovës, Ramush Haradinaj ka akuzuar kryeministrin e Kosovës, Albin Kurti se ky i fundit duket sikur kishte skenar për ndarjen e Kosovës.
Duke komentuar situatën në veri të Kosovës, në RTV Dukagjini, Haradinaj tha se Kurti kishte vënë në vështirësi marinsat amerikanë në veri të vendit, me vendimin për targat e makinave.
“Kjo që po ndodh me targat po të kishte ndodhur në koordinim me Amerikën do të kishim folur për atdhedashuri. Por veprimi i pambuluar nga Kurti, po e çon vendin në një drejtim tjetër duke rrezikuar një pjesë të vendit. Dyshimet janë tani, a mos Kurti ka skenar për të ndarë Kosovën. Pra duket sikurse një skenar i qëllimshëm për të ndarë Kosovën”-tha ish kryeministri.
Haradinaj tha se mungesa e veprimeve të koordinuara me SHBA-të u kishin dhënë serbve një justifikim për t’u larguar nga institucionet e Kosovës.
“Veprimet e pakoordinuara me SHBA-në u ka dhënë serbëve një justifikim për t’u larguar nga institucionet”, deklaroi më tej Haradinaj.
“Ne nuk e kemi fuqinë e ligjit në veri. Është dashur të zbatohet ajo që njihet si “soft power”– u shpreh Haradinaj.
a.m/dita
Nuk ka as Albin as Haradin or Hashim qe vendos te ndaje Kosoven.Kane derdhur gjak me mijera heronj per ate toke qe te jete e lire dhe e panvarur.
Hapi i pare i vendosjes se targave dhe shtetit te Kosoves ne Mitrovice-eshte Ushtria e Kosoves.Pa Ushtri te Kosoves me gjithe armet me moderne te kohes,do te koordinohesh me Ameriken per cdo vendim.
Prit o Albin te shpartallohet njehere Rusi ne Ukraine,,se nuk te kane plasur ujrat e do pjellesh!