Një ditë pas protestës para Kryeministrisë, ku protestuesit bllokuan për rreth dy orë hyrjen e Kryeministrisë policia ka arrestuar 14 persona.
Në ditën e 94-të, protesta u shoqërua me disa tensione.Pas grumbullimit në sheshin “Skënderbej”, protestuesit marshuan drejt Kryeministrisë. Më pas, një pjesë e tyre u zhvendosën në rrugicat pas godinës, teksa kryeministri Edi Rama ndodhej në zyrë.
Protestuesit u përleshën fizikisht për disa momente me efektivët e policisë, ndërsa disa prej ‘të vetëshpallurve’ si organizatorë të protestës, mes të cilëve edhe Dritan Goxhaj dhe Arben Kola, të cilët përmes megafonit nxisnin të pranishmit që të vijonin të rrinin në godinën e Kryeministrisë.
Pas përplasjes forcat e policisë krijuan një kordon duke ndërtesën qeveritare, teksa u shoqëruan për në komisariat dhe disa protestues.
Mësohet se disa prej të arrestuarve janë; Dritan Goxhaj, Junik Matoshi, Edison Lika, Erlind Almeta, Sokol Bushi, Lulzim Gjini, Valtion Shameti, Florian Manarkolli,Desiderjo Alimucaj, Bora Mitrovica, Arvina Lleshi, Ylli Brahaj, Arben Kola dhe Aumiraldi Dalliu.
j.l./ dita
