Një shtetas rumun është vënë në hetim për veprën penale “Mosdeklarimi në kufi i të hollave dhe i sendeve me vlerë”.
32-vjeçari me iniciale A. C me banim në Angli u arrestua në Rinas teksa po tentonte të hynte në vendin tonë me 18 500 paund të cilat ai nuk i kishte deklaruar në kufi.
“Shërbimet e Policisë Kufitare Rinas, në vijim të kontrolleve të shtuara, të bazuara në analizën e riskut, për evidentimin dhe goditjen e paligjshmërive, në hyrje të RSh-së, kanë kaluar në vijën e dytë, për kontroll të detajuar, shtetasin rumun A. C.
Gjatë kontrollit fizik, këtij shtetasi iu gjetën 18 500 paund të cilat ai nuk i kishte deklaruar në kufi, siç e përcakton ligji”, thuhet në njoftimin e policisë.
Policia sekuestroi paratë në cilësinë e provës materiale ndërsa materialet procedurale u referuan në Prokurori.
p.k\dita
