Miliona njerëz kan mbetur të pastrehë pas tërmeteve të njëpasnjëshme në kufirin mes Turqisë dhe Sirisë.
3,381 kanë vdekur në Turqi dhe 1,444 në Siri, duke çuar numrin e viktimave në 4,825 viktima.
OBSH ka paralajmëruar se numri i viktimave mund të shkojë deri në 20 mijë.
Më shumë se 7800 njerëz janë shpëtuar brneda 10 provincave.
Tërmeti me magnitudë 7.8 Rihter që ndodhi në orët e para të së hënës, në rajonin Kahramanmara, në pjesën juglindore të Turqisë dhe afër kufirit me Sirinë, ishte sipas Shërbimit Gjeologjik të SHBA-së më i forti në botë që nga gushti 2021.
Agjencia Turke e Menaxhimit të Fatkeqësive dhe Emergjencave (AFAD) e karakterizon tërmetin si më vdekjeprurësin që nga viti 1999.
Më shumë se 45 shtete u kanë ardhur në ndihmë.
Japonia ka dërguar një ekip shpëtimi nga fatkeqësitë për të mbështetur përpjekjet e kërkimit dhe shpëtimit në Turqi.
Kryeministri australian Anthony Albanese tha se qeveria e tij do të sigurojë një ndihmë “fillestare” prej 10 milion dollarë australianë (6.94 milion dollarë; 5.76 milion £) për të shkuar për grupet humanitare. Më shumë se 2600 personel nga 65 vende të botës janë dërguar në zonën e fatkeqësive.
Bashkimi Evropian aktivizoi mekanizmin e reagimit ndaj krizave, ndërsa Shtetet e Bashkuara thanë se do të dërgonin dy njësi kërkim-shpëtimi në Turqi. Ekipet e mbrojtjes civile dhe mjekësore nga Palestina do të dërgohen gjithashtu në Turqi dhe Siri për të ndihmuar në operacionet e shpëtimit.
Ndërkohë, 10 njësi të ushtrisë ruse me më shumë se 300 ushtarë po pastrojnë mbeturinat dhe po ndihmojnë në operacionet e kërkim-shpëtimit në Siri, tha Ministria e Mbrojtjes e Rusisë. Rusia është fuqia e huaj më e fortë që vepron në Siri dhe presidenti rus Vladimir Putin ka kohë që është aleat me presidentin sirian Bashar al-Assad.
Zyra e Kombeve të Bashkuara për Koordinimin e Çështjeve Humanitare (UNOCHA) tha se ekipet e reagimit ndaj urgjencës nga Vlerësimi dhe Koordinimi i Katastrofave të Kombeve të Bashkuara (UNDAC), Grupi Ndërkombëtar Këshillimor i Kërkimit dhe Shpëtimit (INSARAG) dhe Ekipet Mjekësore Emergjente të OBSH-së (EMT) janë duke u mobilizuar. Turqisë për të ndihmuar në përgjigjen humanitare.
j.l./ dita
