Një tërmet me magnitudë 5.5 i shkallës Rihter goditi brigjet e Kalifornisë Veriore, rreth 60 milje në perëndim të Petrolia, njoftoi Shërbimi Gjeologjik i SHBA. Lëkundjet ranë në orën 11:44 të mëngjesit të së dielës, 21 maj, sipas agjencisë. Zyra e Shërbimeve të Emergjencës në Kaliforni tha në Twitter se po punon me autoritetet lokale, shtetërore dhe federale për të vlerësuar dëmet nga tërmeti.
Petrolia është një komunitet prej mijëra njerëzish, rreth 250 milje në veri të San Franciskos. Më herët të dielën, një seri tërmetesh me magnitudë 4.3 ballë tronditën kufirin Kaliforni-Nevada pranë Big Pine, raportoi USGS.
Tërmetet me magnitudë 2.5 dhe 5.4 ballë ndihen shpesh, por rrallë shkaktojnë shumë dëme, sipas Michigan Tech. Tërmetet nën magnitudë 2.5 ballë janë ndjerë rrallë nga shumica e njerëzve në Kaliforni.
Lëkundjet e papritura dhe të shpejta të tërmeteve mund të shkaktojnë zjarre, cunami, rrëshqitje dheu ose ortekë. Ato mund të ndodhin kudo, por ato janë më të zakonshmet në Alaska, Kaliforni, Hawaii, Oregon, Porto Riko dhe Uashington, sipas Departamentit të Sigurisë Kombëtare.
