Kombëtarja shqiptare është ngjitur me 3 vende në renditjen e FIFA-s për muajin tetor.
Pas fitores me Çekinë me rezultatin e thellë 3-0 dhe asaj me Bullgarinë, në miqësoren e përfunduar me rezultatin 2-0, kuqezinjtë kanë fituar 3 pozicione dhe renditen në vendin e 59-të..
“Kombëtarja shqiptare është ngjitur me tre vende në renditjen e FIFA-s për muajin tetor. Pas fitoreve me Çeke dhe Bullgarinë, kuqezinjtë pozicionohen në vendin e 59-të”, shkruan FSHF në Instagram.
Shqipëria ndodhet e para në grup me 13 pikë, kur mbeten edhe dy ndeshje, ajo me Moldavinë në transfertë, dhe ndaj Ishujve Faroe në “Air Albania’.
Kuqezinjve iu mjafton vetëm një pikë për të siguruar kualifikimin në “EURO 2024”.
Ndryshe nga Shqipëria, Kosova ka pësuar një rënie drastike në renditjen e fundit të FIFA-s. “Dardanët” humbasin 6 pozicione brenda një muaji duke u renditur tashmë në vendin e 111.
Nuk ndryshon asgjë në lidhje me kreun, kryeson Argjentina, e ndjekur nga Franca, Brazili dhe Anglia.
p.k\dita
