Bashkëshortja e presidentit Bajram Begaj, Armanda Begaj ka marrë pjesë në aktivitetet e organizuara ditën e sotme në Berat në kuadër të “Tetorit Rozë”, muajit ndërgjegjësues për luftën kundër kancerit të gjirit.
Ecja simbolike nisi në Urën e Goricës në Berat dhe vazhdoi deri në pedonalen në qendër të qytetit. Zonjës së parë iu bashkuan edhe Ministrja e Shëndetësisë, Ogerta Manastirliu, ambasadorja e Izraelit, Galit Peleg, zëvendësshefja e UNICEF-it në Shqipëri, Edina Kozma, kryetari i Bashkisë së Beratit, Ervin Demo si dhe personalitete të tjera të jetës politike e publike.
Begaj i dorëzoi trofeun simbolik “Vullnetar i Fiongos Rozë” poetes shkodrane Arjola Zadrima për përballimin me dinjitet të sëmundjes dhe kthimin në simbol të kurajës për gra dhe vajza të tjera që përballen me këtë sfidë të vështirë.
“Me këtë çmim të “Vullnetarit të fjongos rozë” të falënderojmë që me dashurinë tënde për jetën ke vendosur ta jetosh çdo ditë atë si një sfidë, si një trofe dhe të frymëzosh cilindo nga ne për t’u bërë jo vetëm me njëra-tjetrën, por të gjithë bashkë, nënë, babë, grua, burrë, motër, vëlla, bija, bij, mikesha e miq që me kurajë, optimizëm e energji pozitive të luftojmë së bashku për jetën”, theksoi zonja Begaj.
a.m/dita
Gje e mire.Te levizin grate se i zuri gjumi.