Vajzat dhe gratë në Forcat e Armatosura të Shqipërisë i janë bashkuar fushatës sensibilizuese për luftën kundër kancerit të gjirit.
Në një videomesazh për të gjitha gratë, publikuar nga Ministri i Mbrojtjes Niko Peleshi, Zv.Shefja e Shtabit të Përgjithshëm të FA, gjeneralmajor Manushaqe Shehu si dhe vajza e gra në uniformë u bëjnë thirrje të gjitha grave shqiptare të kryejnë kontrollet shëndetësore për të shmangur një rrezik që mund t’ju kanoset nesër.
“Tetori, muaji i sensibilizimit kundër kancerit të gjirit edhe në Forcat e Armatosura. Pa gruan s’ka të ardhme! Ekzaminimi i hershëm shpëton jetë!”, shkruhet në mesazhin e Peleshit në Facebook.
a.m/dita
