AMP ka nisur hetimin për kallëzim të rremë për efektivin e Policisë së Lezhës, Dhurim Metko, i cili ka denoncuar se mbrëmjen e 11 dhjetorit, kur ka dalë nga shtëpia për në punë ka parë në rrugë 2 persona të armatosur, të cilët sipas dëshmisë së 23-vjeçarit, sapo e kanë parë atë, kanë qëlluar me armë zjarri, në ajër.
Në kallëzimin e tij, ai ka thënë se është kundërpërgjigjur me armë, por policia thotë se në vendin e ngjarjes nuk janë konstatuar gëzhoja, gjurmë apo prova të tjera materiale që mund t’iu përkasin shtetasve të kallëzuar nga punonjësi i Policisë.
Kështu, AMP ka nisur hetimin për kallëzim të rremë.
p.k\dita
