Ka shkuar në 149 numri i të vdekurve nga tërmeti shkatërrimtar në Kinë.
Ndonëse ka kalurar1 javë nga tërmeti, që goditi një rajon të largët dhe të varfër veriperëndimor të vendit aziatik, dy persona rezultojnë ende të zhdukur, sipas zyrtarëve shtetërorë.
Tërmeti goditi provincat Gansu dhe Qinghai, ku jetojnë shumë anëtarë të pakicës etnike kryesisht myslimane Hui.
Provinca e parë u godit më rëndë: më shumë se 200,000 shtëpi u shkatërruan dhe 15,000 të tjera janë nën kërcënim në Gansu, sipas raporteve të mediave shtetërore kineze. Tërmeti zhvendosi 145,000 banorë dhe plagosi 781 të tjerë, sipas shifrave të fundit nga autoritetet deri më 22 dhjetor.
Ky është tërmeti më vdekjeprurës në vendin aziatik që nga ai në provincën Yunnan (jugperëndim) në vitin 2014, kur autoritetet numëruan më shumë se 600 të vdekur.
Tërmetet e forta dhe shkatërruese janë mjaft të zakonshme në Kinë. Në gusht, një tërmet me magnitudë 5.4 në Kinën lindore plagosi 23 persona dhe shkatërroi dhjetëra ndërtesa.
j.l./ dita
