Thierry Henry, legjenda e futbollit francez, ka lënë një detaj pikant gjatë analizës “Live” në Champions League, të mërkurën mbrëma, duke u bërë viral. Gjatë takimit emocionues mes Manchester City dhe Real Madrid, Henry dhe gazetarja prezantuese Kate Abdo, u takuan edhe një herë për të ofruar mbulimin e tyre të Ligës së Kampionëve. Me këtë rast ndeshja përfundoi me eliminimin spanjollëve. Megjithatë, ajo që ra në sy ishte harmonia e pabesueshme mes dy komentuesve, të cilët për një moment u duk se kishin harruar plotësisht kamerat. Jamie Carragher dhe Micah Richards po komentonin takimin emocionues, por në një moment të papritur biseda mes ish-futbollistit dhe gazetares mori një tjetër rrjedhë.
Shkëmbimi mes të dyve ishte aq qesharak, sa shkaktoi një të qeshur infektive tek prezantuesja britanike, duke gjeneruar një imazh që u bë shumë shpejt viral në Twitter. Prezantuesja britanike nuk e përmbajti dot të qeshurën për komentin e francezit dhe në mënyrë miqësore vendosi dorën në krah si një gjest bashkëfajësie. Për shumë, ky gjest ka qenë një shenjë e qartë e flirtimit dhe madje ka përdorues që pretendojnë se tashmë janë bashkë, por që mundohen ta fshehin.