Tirana dhe bashkia e Tarantos në Itali së shpejti do të kenë një marrëveshje binjakëzimi. Një marrëveshja paraprake mirëkuptimi synon nënshkrimin e afërt të paktit të binjakëzimit që do të lidhë dy qytetet është nënshkruar nga kryebashkiaku Erion Veliaj dhe homologu i tij, kryebashkiaku i Tarantos, Rinaldo Melucci, gjatë një vizitë që Veliaj po zhvillon në Taranto.
“Është nder të mirëpresim nënkryetarin e Bashkisë së Tiranës, Erion Veliaj. Me të do të flasim për të ardhmen, lidhjen e madhe me Shqipërinë, mundësitë për bizneset dhe të rinjtë tanë. Erion Veliaj tashmë është mik i Tarantos, kemi shumë rruhë bashkë”. Kështu është shprehur kreu i Bashkisë së Tarantos.
“Qytetet – nënvizoi Veliaj – janë në gjendje të ndërtojnë ura kur qeveritë janë më të largëta. Ndihem pulian, jam krenar për këtë lidhje, në qytetin tim janë 25 mijë italianë që punojnë dhe jetojnë me ne. Në 30 vjet kemi bërë hapa të mëdhenj, ishim Koreja e Veriut e Evropës dhe tani jemi një komb në zhvillim”.
Sipas tij marrëveshja e nënshkruar dhe binjakëzimi që do të nënshkruhet shumë shpejt, na tregojnë se njerëzimi është lidhja më e rëndësishme nga të gjitha”.
Pas nënshkrimit, kryebashkiaku Melucci shoqëroi kolegun e tij Veliaj në një xhiro të vogël në bukuritë e zonës, duke vizituar Kalanë e Aragones, bazilikën e katedrales së San Kataldos dhe Muzeun Arkeologjik të Tarantos.
“Tirana është një qytet në lulëzim të plotë falë edhe angazhimit të mikut tim Erion dhe ekipit të tij të administratorëve. Tirana në një farë mënyre interpreton dëshirën për shpengim dhe rinisje që kemi edhe këtu në Taranto, ndjesi që ndjeu vetë kryebashkiaku Veliaj kur mbërriti në qytet dhe e gjeti, me fjalët e tij, të pastër, me diell dhe plot turistë”, tha ndër të tjera kryebashkiaku i Tarantos, Rinaldo Melucci.
