Një ngjarje e rëndë ka ndodhur këtë mëngjes në Tiranë. Një 43-vjeçar ka vrarë me armë zjarri kunatën e tij dhe më pas ka vrarë edhe veten.
Ngjarja ndodhi rreth orës 04:00 të mëngjesit në Shkozë të Tiranës, ndërsa sipas policisë, 43-vjeçari vuante nga probleme të shëndetit mendor.
Migena Sinani, 37 vjeç, dhe Roland Sinani, 43 vjeç, janë dy viktimat.
43-vjeçari ka qëlluar me armë zjarri kunatën e tij (nusen e vëllait). 37 vjeçarja Migena Sinani nuk i ka mbijetuar dot plagëve dhe për pasojë ka ndërruar jetë. Pasi ka qëlluar kunatën, dyshohet se 43-vjeçari ka vrarë edhe veten.
Policia thotë se Roland Sinani merrte mjekime për depresion. 43-vjeçari ishte i pa martuar dhe jetonte në të njëjtën banesë me prindërit, vëllanë e tij dhe Migena Sinanin.
Burri i Migenës punon taksist dhe kur ka ndodhur ngjarja nuk ka qenë në banesë. Në shtëpi kanë qenë dy prindërit të cilët kanë qenë në gjumë. Në dëshminë e dhënë ata kanë thënë se nuk kanë dijeni se si ka ndodhur ngjarja.
Ende nuk janë të qarta rrethanat e ngjarjes, ndërsa policia ka sekuestruar armën e zjarrit me të cilën 43-vjeçari vrau kunatën e tij dhe më pas veten.
o.j/dita
