Mbrëmjen e sotme një makinë e parkuar në parkingun e një godine tek rruga e Elbasanit është përfshirë nga flakët.
Nga pamjet vërehet se, zjarri ka bërë që të gjithë banorët e zonës të vihen në panik nga ngjarja. Në një njoftim të policisë, thuhet se, rreth orës 22:00, në një automjet në parkingun e një qendër tregtare, në bulevardin “Bajram Curri”, ka rënë zjarr.
Në vendngjarje ndodhen shërbimet e Policisë dhe shërbimet e zjarrfikëses, të cilat po punojnë për fikjen e zjarrit.
Grupi hetimor po punon për zbardhjen e plotë të rrethanave të ngjarjes.
