Drejtori i Policisë së Tiranës, Tonin Vocaj prej një jave ka lëshuar një udhëzim për 6 komisariateve të kryeqytetit për mënyrën e trajtimit të rasteve të përdorimit të drogës.
Sipas urdhrit, personat që.janë vetëm përdorues të drogave dhe që kapen për vepra penale të lehta vetëm të shoqërohen dhe jo të arrestohen.
Sipas urdhërit, Komisariati do të marrë specialistin e zonës për të mësuar se cilët persona janë të njohur për përdorimin e drogave.
Po ashtu në lidhje më këta persona, pas shoqërimit do të kenë prezent edhe mjekun përkatës pasi shumë herë kanë shfaqur shenja të nervozizmit, si pasojë e drogave.
Ky udhëzim erdhi pas ngjarjes së pak ditëve më parë ku Jani Rustemaj i cili u arrestua për vjedhjen e një palë atlete dhe një tapeti, ra në koma.
Sipas të dhënave të siguruara nga Policia, i riu në momentin e arrestimit kishte shfaqur shenja të agresivitetit për shkak së ishte përdorues i rregullt i heroinës. Ndërsa mjekët pëe ta qetësuar i kishin dhënë më shumë metadon seç duhej.
m.b./dita
