Ditët e fundit të gushtit kanë shënuar një fluks të lartë të hyrjeve në Shqipëri të shqiptarëve nga Kosova që zgjedhin të kalojnë javët e fundit të sezonit turistik në bregdetin e vendit tonë.
Që në orët e para të mëngjesit së ditës së sotme janë vënë re radhë kilometrike mjetesh në segmentin Morinë -Kukës të Rrugës së Kombit.
Qindra qytetarë nga Kosova kanë zgjedhur që këtë fundjavë ta kalojnë në bregdetin shqiptar duke ardhur me automjetet e tyre, por edhe me urbanë.
Radha e gjatë është edhe segmenti Morinë-Kukës tek Ura e Drinit të Zi, për shkak të fluksit të madh të mjeteve që po shkojnë në bregdet.
Në pikën kufitare të Morinës nuk ka kontrolle për qytetarët që kalojnë në të dyja vendet, kjo për shkak të marrëveshjes mes dy qeverive për të lehtësuar lëvizjen e qytetarëve.
o.j/dita
