Të paktën 19 persona kanë humbur jetën në provincën Guangdong, në Kinë, nga shembja e një pjese të një autostrade.
Sipas mediave të huaja, në ngjarje janë përfshirë 18 automjete.
Në bordin e automjeteve ndodheshin gjithsej 49 persona.
Autoritetet njoftuan se rreth 500 persona ishin dërguar në vendngjarje për të ndihmuar në operacionet e shpëtimit ndërsa nuk dihet ende arsyeja e shembjes.
Në javët e fundit, provinca Guangdong është goditur nga vështirësitë e sjella nga moti, me përmbytjet vdekjeprurëse dhe një tornado shkatërruese.
Dëshmitarët i thanë mediave lokale se dëgjuan një zhurmë të madhe dhe panë një vrimë të hapur disa metra të gjerë pas tyre pasi kaluan pjesën e rrugës pak para se të shembej.
Punëtorët e shpëtimit kanë dërguar 30 persona në spital, raportoi transmetuesi shtetëror CCTV.
j.l./ dita
