Një defekt teknik i pazakontë në sediljen e komandantit të avionit u bë shkak i rrëzimit tragjik të fluturimit AI-171 të kompanisë Air India, ku humbën jetën gjithë pasagjerët me përjashtim të njërit si dhe gjithë ekipi.
Numri i të vdekurve ka arritur në 270 sepse veç pasagjerëve kanë vdekur edhe studentë mjekësie që ndodheshin në godinën ku u përplas avioni.
Sipas raportit paraprak të Autoritetit Indian për Hetimin e Aksidenteve Ajrore (AAIB), i publikuar të martën, sedilja e komandantit të avionit rrëshqiti papritur prapa gjatë ngritjes, duke shkaktuar një zinxhir ngjarjesh fatale që çuan në humbjen e kontrollit dhe rrëzimin e avionit Boeing 787.
Si ndodhi tragjedia – Sekondat vendimtare
Nga të dhënat e kutisë së zezë rezulton se:
Gjatë ngritjes, sedilja e komandantit u lirua nga vendi për shkak të dështimit të mekanizmit të sigurisë.
Trupi i tij tërhoqi levat e fuqisë në pozicion neutral, duke shkaktuar ulje të menjëhershme të fuqisë së motorëve.
Kopiloti tentoi të rikthejë fuqinë, por nuk arriti për shkak të pozicionit të pilotit që bllokonte levat.
Brenda 38 sekondave nga defekti, avioni u përplas në tokë.
Çfarë zbuluan hetimet teknike
Sedilja e komandantit kishte pësuar mirëmbajtje vetëm 11 ditë para aksidentit, por nuk ishte testuar pas riparimit.
Në rrënoja u gjetën vida sigurie të thyera në mekanizmin e sediljes.
Sistemi i levave të fuqisë në Boeing 787 nuk ka mbrojtje ndaj tërheqjes aksidentale, gjë që e bëri më të lehtë humbjen e kontrollit.
Masat urgjente të industrisë ajrore
FAA dhe EASA urdhëruan kontroll urgjent të sediljeve të pilotëve në të gjithë flotën Boeing 787 brenda 72 orësh.
Air India pezulloi 12 avionë me histori të ngjashme mirëmbajtjeje.
Boeing njoftoi ridizajnim të sistemit të sediljes dhe përforcim të levave të kontrollit – zbatimi do të nisë në tremujorin e tretë të 2026.
“Edhe një defekt i vogël mund të sjellë tragjedi”
Eksperti i aviacionit dhe kapiten i Boeing 767, Grigoris Konstantelos, komentoi:
“Aviacioni mbetet mënyra më e sigurt për të udhëtuar. Por kur dështojnë elementë të vegjël, rezultati mund të jetë tragjik. Çdo aksident është një mësim për të bërë fluturimin edhe më të sigurt.”
Raporti përfundimtar pritet më 30 korrik 2025, ndërsa në gusht mbahet një samit ndërkombëtar për sigurinë e fluturimeve, ku pritet të diskutohen standarde të reja për sigurinë në kabinë.
j.l./ dita
Sa bukur shkruajne : Aviacioni mbetet mënyra më e sigurt për të udhëtuar. Por kur dështojnë elementë të vegjël, rezultati mund të jetë tragjik. Çdo aksident është një mësim për të bërë fluturimin edhe më të sigurt.
Por 270 vete iken, nuk duhen justifikimet, duam te dime sa vete u arrestuan dhe perfunduan ne burg??
Mjere kujt i bie ajo fatkeqesi.
Kjo nuk eshte aspak e vertete ne baze te fakteve vizuale, te cila duken qarte dhe nga video para se te binte Avioni. Por cilat jane keto? Ne bazen e avionit ne krahun e djathte te krahut, duket qarte qe kishte dale helika e emergjences. Kjo helike quhet RAT ne gjuhen teknike. Kjo helike, ka si funksion qe te gjeneroj energji, per te mbajtur ne funksion instrumentat si dhe nje mbeshtetje minimale te sistemeve hidraulike per kontrollin e avionit. Energjia ne avion prodhohet nga turbinat. Neqoftese Turbinat fiken ose nuk kane karburant, nuk prodhohet fare energi. Sistemi automatikisht, jashte kontrollit te Pilotit, aktivizon pajisjen RAT, e cila del nga trupi i avionit automatikisht me mbeshtetjen e baterive te emergjences. Qe te aktivizohet RAT, turbinat duhet te jene plotesisht te fikura, jo ne xhiro minimale. Avionit ju fiken Turbinat 10 sekonda pasi u shkeput nga pista.
RAT nuk del po ule xhirot e Turbinave. Edhe sikur Pilotit ti kishte reshkitur sedilja ( Kjo nuk ka shans te ndodhe se nuk ka ndodh asnjehere ne historine e aviacionit ), dhe sikur piloti ti kishte terhequr levat e turbinave nga reshkitja, prape kishte kohe qe ti shtynte para per te rritur perseri fuqine ne pune sekondash. Piloti foli dhe shpalli emergjence menjehere. Kjo eshte e incizuar. Ai tha ne Anglish ( Mayday mayday, I lost thrust ). Thrust do te thote shtytje.
Kjo puna e ketij aksidentit vjen ere. Megjithese i kane te gjitha faktet, po perpiqen te fshehin dicka. Mua keshtu me duket. Qofsha gabim.
Te shtoj dhe dicka tjeter qe tregon qarte se genjejne si derri dhe po e mbyll ketu. Mire Pilotit i reshkiti sedilja, po ndihmes pilotit i reshkiti dhe atij sedilja? Ndihmes Piloti apo Piloti Nr 2 eshte ne krah te pilotit ne sediljen e tij dhe ka akses te gjitha instrumentat dhe kontrollin e Aeroplanit si Piloti kryesor. Kaq.