TRAGJIKE: Aksident në Kosovë, humbin jetën dy gratë e njohura të biznesit nga Shqipëria

Një aksident i rëndë ka ndodhur këtë të premte në aksin Prizren-Suharekë, ku një makinë me targa të Shqipërisë është përplasur me një kamion.

Për pasojë kanë humbur jetën dy gratë që po udhëtonin në mjet.

Bëhet fjalë për Elizabeta Katija, 43-vjeçe (drejtuesja e mjetit) dhe Eorda Sinollari, 32 vjeçe (pasagjere). Dyshohet se shkak i aksidentit, ishte koha e keqe dhe me mjegull.

Elizabeta Katija ishte një personazh i njohur në fushën e biznesit në Tiranë dhe rrethe. 43-vjeçarja mbante rolin e drejtueses në Dhomën e Biznesit të Diasporës Shqiptare.

Shpesh herë, Katija udhëtonte jashtë vendit, për të marrë pjesë në takime të botës së biznesit. Ndërsa Eorda Sinollari, po ashtu është një emër i njohur në botën e biznesit, në profesionin e konsulentes.

Nga aksidenti mbeti i plagosur edhe drejtuesi i kamionit kosovar, Munish Grajçefci, i cili ka është duke marrë ndihmë mjekësore në spital dhe ndodhet jashtë rrezikut për jetën.

Policia e Kosovës, bën me dije se hetimet vazhdojnë.