Një ngjarje e rëndë ka ndodhur në periferi të kryeqytetit pasditen e së mërkurës. Një 13-vjeçar është gjetur pa shenja jete brenda automjetit që ndodhej në garazhin e banesës në Babrru.
Dyshimet e para janë që vdekja e të miturit të jetë shkaktuar nga asfiksia.
Por mediat raportojnë se i mituri është gjetur jashtë makinës. Ai ka qenë bashkë me të atin sepse ngjitur kanë edhe një servis makinash. Mjeti ishte i prishur dhe nga hetimet paraprake dyshohet se është asfiksuar nga erërat e pajisjeve të makinës apo ndonjë reaksion baterie, pasi sipas të atit ishin duke hequr baterinë e mjetit.
Grupi hetimor ndodhen në vendngjarje për të zbardhu rrethanat e plota të saj.
Tiranë/Informacion paraprak
Më datë 19.07.2023, në Babrru, është gjetur nga familjarët, brenda automjetit në garazhin e banesës, pa shenja jete, një shtetas i mitur 13 vjeç.
Paraprakisht dyshohet se vdekja është shkaktuar nga asfiksia.
Grupi hetimor po punon për sqarimin e rrethanave të ngjarjes.
