Një ngjarje e rëndë ka ndodhur këtë të martë në Tropojë, ku katër punonjës të Bashkisë dyshohet se kanë rënë në kontakt me energjinë elektrike gjatë punës në rrugën e Dubravës ku gjatë vendosjes së një shtylle, për shkak të peshës së saj, shtylla u ka lëvizur dhe ka prekur telat e rrymës, duke përcjellë energjinë elektrike te punonjësit.
Sipas informacioneve paraprake, 1 prej punonjësve, shtetasi M.S 59 vjeç, ka humbur jetën në vendin e ngjarjes, ndërsa 3 punonjësit e tjerë A. D 40 vjeç., I. D. 47 vjeç dhe A. A. 21 vjeç raportohet se ndodhen në gjendje të rëndë shëndetësore në Spitalin e Bajram Currit.
Sipas informacioneve, ngjarja ka ndodhur teksa katër punonjës bashkie po vendosnin dritat e rrugës dhe kanë rënë në kontakt me korentin.
Njoftimi i Policisë
“Më datë 08.09.2026, rreth orës 10:00, kemi marrë njoftim se, në afërsi të fshatit Bujan, në rrugën e Dobravës, 4 punonjës të Bashkisë Tropojë, duke kryer punime për shpërndarjen dhe vendosjen fizike të shtyllave të ndriçimit në këtë rrugë, kanë rënë në kontakt me rrymën elektrike.
Nga veprimet paraprake dyshohet se, gjatë vendosjes së një shtylle në bazament, për shkak të peshës së saj, 4 punonjësit që po e mbanin kanë humbur ekuilibrin dhe shtylla ka prekur telat e rrymës, duke përcjellë energjinë elektrike te punonjësit.
Si pasojë, shtetasi M.S 59 vjec ka ndërruar jetë, ndërsa shtetasit A. D 40 vjeç., I. D. 47 vjeç dhe A. A. 21 vjeç ndodhen në Spitalin e Bajram Currit, për trajtim mjekësor.
Nga veprimet paraprake rezulton se punonjësit po kryenin transportin dhe shpërndarjen e shtyllave, sipas planit të punës, datë 04.09.2026, të Bashkisë Tropojë, Drejtorisë së Turizmit, Shërbimeve Publike dhe Transportit.
Grupi hetimor po vijon veprimet procedurale për sqarimin e plotë të rrethanave të ngjarjes”, njofton policia.
j.l./ dita
