Çelsi luan këtë të hënë në ndeshje shumë të rëndësishme për renditjen, por sidomos për moralin dhe imazhin e klubit.
Përballë është Totenhemi në një derbi që si gjithmonë është shumë i ndezur mes dy skuadrave, aq më tepër në këtë sezon ku ish-skuadra e Poçetinos duket se po lufton për titullin kampion.
Nuk dihet ende nëse në këtë sfidë do të jetë i pranishëm apo jo Armando Broja, siç e konfirmoi sot vetë Poçetino.
Ai bëri të ditur se sulmuesi ishte stërvitur me rregullsi në ditët e fundit, por nuk mund të konfirmonte përfshirjen e tij në skuadër për ndeshjen e kësaj jave, edhe pse shpresonte ta kishte të gatshëm të paktën në stol.
“Broja? Është më mirë, se po flisnim dhe ndoshta mund të jetë i gatshëm në stol për të hënën.
Ai po stërvitet sot, edhe më parë, në ditët e fundit po bënte mirë. Shpresojmë që të mund të përfshihet në ndeshje, por përsëri nuk është e konfirmuar”, theksoi Poçetino sot në konferencë për shtyp para gazetarëve.
a.c./dita
