Ka përfunduar seanca gjyqësore për ish-presidentin amerikan Donald Trump. Gjyqtari ka caktuar seancën e radhës për datën 4 dhjetor. Ai gjithashtu i kërkoi Trumpit që të mos nxisë dhunë përmes mediave sociale.
Avokatët mbrojtës nga ana e tyre kanë deklaruar se procesi paraqet “një persekutim politik”. Në fund të seancës, gjyqtari nuk vendosi asnjë kufizim për Trump, përveç rekomandimit për të mos nxitur urrejtje në mediat sociale.
Duke folur jashtë gjykatës pas akuzës, avokati i Donald Trump, Todd Blanche tha se klienti i tij është i frustruar dhe i mërzitur, shkruan CNN. Blanche akuzoi prokurorin e kësaj çështjeje se e ka kthyer një çështje tërësisht politike në procedim politik.
Për çfarë akuzohet Trump?
Donald Trump doli para Gjykatës sot për manipulim pagesash. Gjithçka nisi në vitin 2016. Ylli i filmave për të rritur, Stormy Daniels kontaktoi mediat të cilave u rrëfeu se kishte një lidhje jashtëmartesore me Donald Trump në vitin 2006.
Ekipi i Trumpit e kuptoi këtë dhe avokati i tij Michael Cohen i pagoi 130,000 dollarë Daniels që mos të fliste. Por kjo është e paligjshme. Megjithatë, kur Trump i kaloi pagesën Cohen në llogarinë bankare, transferta u bë me shënimin ‘tarifë ligjore’.
Por, prokurorët thonë se kjo do të thotë që Trump falsifikon të dhënat, që është një kundravajtje penale në Nju Jork. Vetë Trump ka mohuar çdo akuzë dhe e ka konsideruar procesin një ‘gjueti shtrigash’.
m.b./dita
