Presidenti i Shteteve të Bashkuara, Donald Trump ka vendosur të zgjasë edhe për një vit gjendjen e emergjencës kombëtare në lidhje me Ballkanin Perëndimor. Sipas dokumentit, Trump argumenton se situata në rajon vazhdon të paraqesë rreziqe për sigurinë kombëtare dhe politikën e jashtme amerikane.
Vendimi mban në fuqi regjimin e sanksioneve dhe masave ndëshkuese ndaj individëve, grupeve dhe organizatave që konsiderohen se minojnë paqen, stabilitetin, marrëveshjet e pasluftës dhe institucionet demokratike në rajon.
Sipas administratës amerikane, vazhdojnë të ekzistojnë shqetësime lidhur me përpjekjet për të sfiduar sovranitetin dhe integritetin territorial të vendeve të Ballkanit Perëndimor, për të dobësuar institucionet e krijuara pas konflikteve të viteve ’90, si dhe për korrupsionin e rëndë që pengon sundimin e ligjit dhe zhvillimin demokratik.
Shtëpia e Bardhë vlerëson se veprimet destabilizuese, dhuna ekstremiste, korrupsioni dhe përpjekjet për të shmangur sanksionet amerikane vazhdojnë të përbëjnë kërcënim për stabilitetin rajonal dhe interesat e Shteteve të Bashkuara.
Me këtë vendim, baza ligjore që i lejon Uashingtonit të vendosë ose të mbajë në fuqi sanksione ndaj personave dhe subjekteve të lidhura me aktivitete destabilizuese në Ballkanin Perëndimor do të mbetet aktive deri në qershor të vitit 2027.
Regjimi i emergjencës kombëtare për Ballkanin Perëndimor është në fuqi që prej vitit 2001, por është zgjeruar në disa raste gjatë viteve për të përfshirë edhe korrupsionin e rëndë, minimin e institucioneve demokratike dhe kërcënimet ndaj marrëveshjeve të paqes në rajon.
j.l./ dita
çdo te thote kjo ?! qe Goxhaj kercenon me vrasje kryeministra direkt me ze e figure ne tv Vizion Plus? Po SHBA nuk do kryej rolin e drejtesise shqiptare, te SPAK qe i kane plase syte dhe veshet apo prokurorise se pergjitheshme shqiptare, as te policise apo gjykatave shqiptare qe duhet te kishin arrestuar brenda nates terrorista si Dritan Goxhaj qe kercenon me plumb ne nje televizion shqiptar dhe ata heshtin! Kush duhet ta mbroje qetesine dhe jeten e ketij populli tjeter qe nuk proteston, kryeministri Shqiperise? Dhe pastaj thone qe jemi ne diktature! Eshte katastrofe ne Shqiperi qe drejtesia nuk vepron si pushtet ne mbrojtje te kushtetutes dhe popullit po merret me vetem parate dhe jo plumbat qe deklarohen pa frike neper televizione! Ateher duhet vetembrojtja nga krimineli Dritan Goxhaj me gjithe banden e tij qe do na beje Avni Rustemin dhe nga prokuroret dhe gjykatesit shqiptare qe jane ne mbeshtetje te tij. Duhen izoluar ato ndertesa dhe duhen prere marrdheniet institucionale e administrative me to, duke i quajtur bashkepuntore ne krim. Ushtria dhe duhet njoftuar zyrtarisht NATO per kete qe ndodh qe te veproje ne kuader te mbrojtjes shqiptareve qe duan jete te qete e te shikojne hallin e tyre.