Kryeministri Edi Rama ka reaguar për herë të parë në lidhje me protestën e opozitës.
Gjatë një konference për media këtë të hënë, shefi i qeverisë tha se protesta e të shtunës nuk ishte e qytetarëve të shqetësuar por e partive dhe militantëve të tyre për pushtet.
Ai nënvizoi se nuk është aspak i shqetësuar nga protesta e këtij lloji dhe tha se opozita mund t’i bëjë sa herë të dojë.
“Për cilën protestë më flisni, për cilët qytetarë më flisni, një non-gratë dhe një spiun që mbledhin militantët e tyre, kjo nuk ka lidhje me popullin, kjo nuk ka lidhje me qytetarët e shqetësuar, kjo është një protestë partish për pushtet, për të prishur dhe për të marrë.
Me të vetmin rezultat që hodhën ca bojë këtu që u deshën punëtorët për ta larë natën se kështu është ndarë kjo punë ata bë pis dhe ne pastro. Ça proteste? As nuk di sa ishin, as nuk i kam parë as nuk më interesojnë fare! As nuk i kam parë fare, mund ta bëjnë sa herë të duan. Është një çorbë që e kemi parë prej 30-vitesh që e gatuan i njëjti guzhinier “non-grata”.
Më vjen keq për ata militantë të cilët harrojnë se po shkojnë pas disave që paguhen për të bërë dëm në këtë vend”, tha Rama.
j.l./ dita
Te pakten kesaj rradhe nuk ishin si vandale dhe kamikaze.Kete duhet ta thoje kryeminister .
Kjo proteste vertetoi edhe nje here qe Salikadavra ka mbaruar dhe nga pas i shkojne vetem nje tufe trushplaresh.