Marrëveshjet e nënshkruara më 22 korrik në Stamboll për eksportin e grurit nga Ukraina mund të jenë baza për rifillimin e negociatave midis Moskës dhe Kievit për zgjidhjen e krizës ukrainase, tha zëdhënësi i presidentit turk, Ibrahim Kalin.
Sipas zëdhënësit të Recep Tayyip Erdogan, me shpërthimin e konfliktit në Ukrainë, Perëndimi vendosi sanksione ndaj Rusisë, e cila si kundërpërgjigje filloi të përdorë gazin natyror si armë kundër vendeve që vendosën kufizime në shenjë hakmarrjeje.
Kjo situatë do të vazhdojë derisa të zgjidhet konflikti në Ukrainë, sipas atij.
“Prandaj u bëjmë thirrje të gjitha palëve që të ulen në tryezën e bisedimeve. “Nuk dua të dukem shumë optimist, por marrëveshja e grurit mund të krijojë bazën për rifillimin e negociatave të armëpushimit, shkëmbimin e të burgosurve dhe ndoshta, si rezultat, të krijojë një bazë besimi për përfundimin e një marrëveshjeje paqeje”, theksoi ai.
“Lufta midis Rusisë dhe Ukrainës jo vetëm që po i dëmton të dy vendet, por po ka një ndikim negativ në tregjet globale të ushqimit dhe energjisë. Është e nevojshme të gjendet një mënyrë për t’i dhënë fund”, tha zëdhënësi i presidentit turk.
a.m/dita
Do jetë në të mirë të gjith popujve të botës një marveshje armëpushimi midis Rusisë dhe Ukrahinës