Zëri i Amerikës, të cilin administrata e Donald Trump filloi ta shpërbënte në mes të marsit, do të mund të rifillojë punën javën e ardhshme, njoftuan sot Ministria e Drejtësisë së SHBA dhe organizata “Gazetarët pa Kufij”.
“Avokatët e ‘Gazetarëve pa Kufij’ (RSF) në SHBA dhe të koalicionit të mediave ‘Voice of America’ u informuan të shtunën, më 3 maj, me email nga Ministria e Drejtësisë se ekipet e këtij institucioni do të mund të rikthehen në punë në orët në vijim,” thuhet në deklaratën e RSF.
Në këtë mesazh për avokatët e RSF-së, ministria theksonte se “më herët gjatë ditës, u riaktivizuan llogaritë e emailit për 1.406 punonjës dhe kontraktorë të USAGM (Agjencia e Shteteve të Bashkuara për Mediat Globale) dhe të ‘Voice of America’. Tashmë, të gjithë punonjësit duhet të kenë akses në sistem. USAGM pret që programet e ‘Voice of America’ të rifillojnë javën e ardhshme.”
Dy punonjës të “Voice of America” konfirmuan për Agjencinë Franceze të Lajmeve se llogaritë e tyre elektronike, të cilat kishin qenë të bllokuara për javë të tëra, ishin rikthyer në funksion, edhe pse nuk kishin marrë ende një njoftim zyrtar për kthimin në punë.
Në mes të marsit, administrata Trump pezulloi personelin e rrjeteve mediatike si “Voice of America”, “Radio Free Asia”, “Radio Free Europe” dhe të organizatave të tjera të financuara nga qeveria amerikane, duke ngrirë papritur aktivitetin e tyre. Këto media njihen si zëra demokratikë në vende me regjime autoritare si Rusia dhe Kina.
Megjithatë, drejtësia amerikane kundërshtoi këto masa: në fund të marsit, një gjykatës federal në Nju Jork pezulloi vendimin për mbylljen e aktiviteteve të këtyre mediave publike, ndërsa në prill një gjykatës tjetër në Uashington ndërmori një hap të ngjashëm.
“E mirëpresim këtë përparim, por qasja e paqëndrueshme e administratës Trump kërkon vigjilencë: është jetike të sigurohet vazhdimësia e financimit të miratuar nga Kongresi amerikan për të gjitha mediat e USAGM-së,” deklaroi Thibaut Bruttin, drejtor i përgjithshëm i RSF. “E drejta për informim të besueshëm e dhjetëra miliona dëgjuesve nuk duhet të varet nga kapricot e politikës.”
“Voice of America”, e krijuar gjatë Luftës së Dytë Botërore, “Radio Free Europe” gjatë Luftës së Ftohtë, dhe “Radio Free Asia” në vitin 1996, kanë si mision përhapjen e “zërit të Amerikës” në mbarë botën, sidomos në vendet me qeveri autoritare.
Në mes të marsit, Trump nënshkroi një urdhër ekzekutiv që e përshkruante agjencinë USAGM – e cila kishte 3.384 punonjës në vitin 2023 – si “një element të padobishëm të burokracisë federale”.
j.l./ dita
Zeri Amerikes u be Zeri malokeve,rrugaceve,burgaxhijve,qekur i sherbeu Berishes,Hajdarit,Uran Alickes,per uzurpimin e PD dhe pushtetit te Hajduteve Tropojane.Ne kundershtim me Demokracine Amerikane Zeri Amerikes sulmoi Mocionistet qytetare,inteligjencen Themeluese te PD.Nje Institucion nuk e bejne Parimet,por Njerezit qe drejtojne punet,.Me maloket Shkreli,Elez Byberaj,Kostrecat e kompani,aty do perfundonte.Mos e cel me Ate dere Trump,se nuk durojme dot GRAFMEN e malokeve,.Bere vepren me te mire 100 ditet e Pushtetit qe e mbylle Ate Hale.
E kush e degjon me Zerin e Amerikes? Ketyre ju ka rene shikueshmeria e CNN apo BBC poshte 8%, jo me Zeri i Amerikes. Njerezit jane zgjuar dhe e kane kuptuar, qe keto jane kanale globale propagande e dezinformimi. Qe me Kovidin, ju iku situata nga duart Gjeten alternativen qe te blejne podkaste e kanale ne Internet me shume ndjekes, per te vazhduar propaganden, se e kuptuan qe Mediat e pergjithshme po ngordhin dale-ngadale. Kur ka hap dhe Rama e Meta Podkast, c’fare prisni me. Prit kur te hape dhe Sala ndonje Podkast.
NE DILEME MILETI
PER KE TE VOTOJ
PSE S`VOTON PER VETE
TU SHOFTE AJO BOJE
TRIDHJETE VJET TE TALLEN
LANE LESH ME TY
O DILI ZOT VETES
O RRI NE SHTEPI
Zeri I Amerikes u be llumi i Saliut!