Klajdi Zalli u detyrua të linte vendin e tij për të punuar në Britaninë e Madhe, si “kopshtar” në një fermë kanabisi në Swansea.
Ai ka treguar para një gjykate britanike se arsyeja e emigrimit, ka qenë një borxh që e ëma kishte marrë tek një prej bandave kriminale në vendin tonë. Oficerët e gjetën 23-vjeçarin shqiptar mëngjesin e 15 marsit.
Ata hapën me forcë derën e përparme dhe panë Zallin duke u përpjekur të ikte nga kopshti i pasmë. Pasi ata e kërcënuan me tasers (aparat që nxjerr rrymë), ai u dorëzua. Policia sekuestroi 122 bimë kanabisi nga katër dhoma, që kapnin vlerën e mbi 52,000 £.
Avokatja e tij, Donohue tha gjatë gjyqit se kur ai mbërriti për herë të parë, ai u vendos në një qendër emigrimi, pastaj në një hotel në Birmingham. Më pas, ai u kontaktua nga një person i panjohur në një telefonatë në Facebook dhe bënë marrëveshje për ta transferuar atë në Swansea.
Ai s’u largua dot nga shtëpia e barit, sepse kishte frikë nga pasojat ndaj familjes së tij në Shqipëri… Kur u pyet se pse u përpoq të ikte nga prona pasi mbërriti policia, ai tha se mendoi se po e grabisnin. Mirëpo nuk i shpëtoi dot dënimin, e duhet të kalojë pas hekurave të burgut, 18 muaj.
m.b./dita
