Prindërit e 20-vjeçarit shqiptar, Enrico Aliaj, i cili u qëllua me plumb në kokë nga vëllai i tij 18-vjeçar, kanë folur për herë të parë pas tragjedisë në Ponte dell’Olio, Itali.
I ati i Enrico Aliaj, Shpend Aliaj tregon se djali i tij humbi jetën në mënyrë tërësisht aksidentale.
Babi i 20-vjeçarit tha se djali tjetër po luante me armë dhe u qëllua aksidentalisht.
Ndërkohë sipas dëshmisë së nënës, Shqipe Aliaj, djali ka qëlluar veten.
Nëna e Enrikut ka treguar se dy djemtë e saj, së bashku me shokun e tyre po luanin me pistoletën me mulli, lojën “rulet ruse”.
Vëllai 18-vjeçar i Enrikos, akuzohet për vrasje dhe po vazhdon të hetohet.
Gjithashtu në hetim është miku i tyre, i cili fillimisht ishte larguar por më pas është identifikuar nga karabinierët e Piacenza-s që kanë rastin në dorë.
Mbetet ende për t’u sqaruar se cili ishte roli i tij në këtë ngjarje, ndërkohë që autoritet janë në pritje të rezultateve të autopsisë.
E po ashtu, pritet që të sqarohet se përse të rinjtë ishin duke luajtur për “vdekjen” e tyre.
Ruleta ruse, “luhet” me një pistoletë gjashtëshe, pra që ka 6 fole për plumbat, por ku vetëm njëra përmban plumb. Cilindri rrotullohet dhe ndalet në mënyrë të rastësishme.
j.l./ dita
Mos u merni me keshtu lloj lajmesh se nuk I interesojne askujt, dhe nuk transmetojne ne publik asnje lloj ndjesie…