Silvio Berlusconi, ish- kryeministër i Italisë, është diagnostikuar me leuçemi, sipas një burimi të njohur më këtë çështje.
86-vjeçari Berlusconi ndodhet në spital që prej ditës së djeshme, në repartin e terapisë intensive të klinikës së kardiologjisë të spitalit San Raffaele në Milano, pas problemeve me frymëmarrjen.
Gazeta “Il Corriere de la Sera” raportoi ditën e djeshme seBerlusconi vuan nga probleme pulmonare dhe kardiovaskulare , duke theksuar se biznesmeni dhe politikani 86-vjeçar shkoi në klinikë pasi kishte pasur vështirësi në frymëmarrje.
Ai aktualisht është në gjendje stabile dhe është në ventilator ndërsa po trajtohet me antibiotikë. Megjithatë, media të tjera italiane, si La Repubblica, përmendin pneumoninë si arsye të shtrimit në spital.
Problemet shëndetësore të Silvio Berlusconit kanë shkaktuar shqetësime në klasën politike të Italisë. Disa senatorë dhe kongresmenë nga partia e tij shkuan në spital për ta vizituar.
Përveç kësaj, si aleatët ashtu edhe kundërshtarët i dërguan mesazhe mbështetjeje për t’i uruar shërim të shpejtë. Kryeministrja italiane Giorgia Meloni i uroi Berlusconit një shërim të shpejtë edhe nga kjo krizë shëndetësore, duke postuar në Tëitter “Forza Silvio”.
Por situata mbetet e stabilizuar dhe nuk e vë në rrezik për jetën ish-kryeministrin për momentin shkruan Ansa.
Presidenti i Forza Italia, i cili do të mbushë 87 vjeç shtatorin e vitit 2023, mbërriti në spitalin San Raffaele, i shoqëruar vetëm nga e dashura, Marta Fascina, “thuajse pa frymë”.
Për këtë arsye ai u transferua menjëherë në reanimacion për “probleme kardiovaskulare”.
j.l./ dita
